Izenburua: Thoreauren poemak benetako zein apokrifoak
Idazlea: Antonio Casado Da Rocha
Argitaletxea: Booktegi
Urtea: 2018
(e-liburua)
Thoreauk “poetaster” hitza erabili zuen, poetastroa, poeta kaxkarra. Txarra zela jakinda ere, ez zion poesia idazteari inoiz utzi. Antza, poesia txarrak ere balio du. Besteak beste, poeta txarraren asmo onak zeintzuk diren adierazteko. Hipotesi hori egiaztatzeko, hainbat poema jarriko ditugu hemen. Zertarako balio du poema batek? Adibidez, naturaren edertasuna adierazteko. Hala esaten du gure lehenengo poema honek. Norena den… gero jakingo dugu.
