Xabier Etxeberriak bere lehenengo ipuin-bilduma kaleratu du

0

Bizitzan giltzarri diren kontuetan gizatasunezko jarrera adierazten duten narrazioak bildu ditu zarauztarrak Txoria nintzela liburuan

Elkar argitaletxeak azaroaren 7rako iragarri du Xabier Etxeberriaren Txoria nintzela liburuaren aurkezpena. Zarauztarrak Xabier Mendiguren editorea alboan duela aurkeztuko du bere estreinako narrazio-bilduma, 11:00etan Donostiako Elkar aretoan.

Txoria nintzela
1980tik 90era doan hamarkadan zehar, Euskal Herriko edozein txokotan egon litekeen herri ertain batean, neska-mutil sorta bat, gero nerabe bihurtzen direnak eta geroago gazte. Elkarrekin txirikordatzen diren istorio hauetan umetako jolas ez beti inuzenteak ikusiko ditugu, norbere identitate sexualaren deskubrimendua, jaietako parrandak, oso lagunak ez diren adiskideak, politikak etsaitzen dituenak…

Ipuin bizi eta arinak burutu ditu Xabier Etxeberriak, estilo, gai eta erritmo askotakoak, idazlearen esku trebearen erakusgarri. Umore oneko eta entretenigarri, batetik, baina itxura alai horren azpian mamia eta sakontasuna ere badutenak, bizitzan giltzarri diren kontuetan gizatasunezko jarrera bat adierazten dutenak.

Iruzkina idatzi

avatar

This site uses Akismet to reduce spam. Learn how your comment data is processed.

  Subscribe  
Harpidetu