Denok gara Google

3

Izenburua: Denok gara Google
Idazlea: Xabier Etxaniz Rojo
Argitaletxea: Erein
Urtea: 2019

Eleberri honetako protagonistak bila dabiltza. Horietako bat eguzki-lore baten azpian ezkutatzen den emakume baten bila dabil; beste bat, berriz, iraganeko mamu baten peskizan ari da. Badakite zer bilatu nahi duten. Ez dakite nola. Badakite zer bilatu nahi duten, zer topatuko duten ez dakite ordea.
Bilaketak. Bizitza osoa ematen dugu bilatzen: zoriontasuna, maitasuna, dirua, ospea, sexua, arrakasta, lana, ongizatea, egia… Denok bilatzen dugu zerbait, eta bila genbiltzan hori topatzen dugunean, bilaketa berriak egiten hasten gara.
Batzuetan hobea izaten da bilatzen duzun hori ez topatzea. Bai baitago ez jakitea baino gauza latzagorik.
“–Maite dozu maitalea?
–Bai, izugarri.
–Eta bikotekidea, maite al dozu?
–Bai, izugarri.
–Bi pertsona itzel maitatzea posible da, ala?
–Ez dakit posible den baina nik egiten dut.
–Nik esandako guztiak gogoratzen dozuz?
–Ez, soilik interesatzen zaidana. Bestea erreseteatu egiten dut.
–Iñigo.
–Zer?
–Zergatik kontatu deustazu hori guztia?”

3
Iruzkina idatzi

avatar
3 Comment threads
0 Thread replies
0 Followers
 
Most reacted comment
Hottest comment thread
3 Comment authors
Bilbo 54.3Eibar 101.1Azkoitia 76.1 Recent comment authors

This site uses Akismet to reduce spam. Learn how your comment data is processed.

  Subscribe  
Berriena Zaharrena
Harpidetu
Bilbo 54.3
Bilbo 54.3

Liburu interesgarria Xabier Etxaniz Rojoren azkena. Bi narraziok osatzen dute liburua, nahiz eta idazleak nolabaiteko lotura egin bien artean bi pertsonaiaren bidez (Iñigo eta Maria). Lehenengo narrazioa, “Oianko” izenburukoa, oso berezia da, ipuinaren zati handiena whatssappen bidez egindako elkarrizketa luze bat delako. Bigarren narrazioa, “Libia irailean” izenburukoa, gerra zibileko istorio bat da. Biak ala biak oso interesgarriak iruditu zaizkit eta interesa mantendu dute niregan amaiera arte. Oso ondo idatzita dago, bizkaierazko esamolde eta aditz askorekin, Oianko pertsonaiak bizkaieraz hitz egiten (edo, hobeto, whatssappez idazten) duelako, baina guztiz ulergarria da bizkaieraz ondo ulertzen ez dutenentzat ere. Beraz, oso gomendagarria da liburu… Gehiago irakurri

Eibar 101.1
Eibar 101.1

Lehen zatia, Google bidez pertsona baten jakin-nahiaren gaiarena, egunerokoa eta gertukoa egin zait. Baina, bi pertsonaien profila, whatsapp elkarrizketen edukia, eta aldaerak eta amaiera sinesgaitzak iruditu zaizkit. Amua hasieran gogoz irentsi dut, baina kainaberarekin batera eta bestera maneiatua sentitu naiz uretatik atera arte. Bigarren zatian, Gerra Zibila abiapuntu duenean, ohiko elementu klasikoak erabiltzen dira eta era klasikoan kontatuta dago. Halere, aitortu behar dut Gerra Zibila eta ondorengoekin loturiko istorioekin gogaituta nagoela eta ez naizela irakurle objektiboa, horregatik amua irentsi gabe bertan zegoen ogia jan dut gozatu gabe. Dena den, ziur naiz beste irakurle batentzat ustez ezusteko direnak niretzat baino ezustekoagoak… Gehiago irakurri

Azkoitia 76.1
Azkoitia 76.1

Eleberria izan beharrean bi ipuin luze direla iruditu zait. Lehenak abiapuntu oso interesgarria dauka, Iñigo idazleak Oiankorekin telefonoz daukan erlazio bereziarekin. Iñigok eta Oiankok ez dute elkar ezagutzen, watsapez bakarrik izaten dute elkarren berri. Gerora Iñigo Google erabiliko du Oianko nor den jakiteko, eta elkarren arteko konfiantza areagotzen joango da. Iñigok bikoteaz gain maitalearekin daukan erlazioa ere oso interesgarria iruditu zait. Oiankoren amaiera oso bat-batekoa egin zait, istorioa luzatu zitekeela iruditu zait. Bigarren zatiak gerra zibileko bikote erlazio bat du ardatz, bat alde batekoa eta bestea bestekoa. Ondo azaltzen du bandoen arteko borroka eta nola ezin ikusi horren baitan maitasunak… Gehiago irakurri