Julien Vinsonen hegaldia

2

Izenburua: Julien Vinsonen hegaldia
Idazlea: Patxi Zubizarreta
Argitaletxea: Alberdania
Urtea: 2019

Munduan askok bezala, cool edo exotikoa –edo erotikoa– zitzaiolako, 2015ean Chiarak euskara ikasteari ekin zion Boloniako unibertsitateko Lingua e cultura baska departamentuan. Geroago, 2108an, lau asterako Hendaiara etorri zen, Euskal Herrira bere antzera etorritako euskalariei buruzko lan bat egitera. Julien Vinson (1843-1926) Chiarak zerrendan zuen izenetako bat zen: heterodoxoa, gorria, darwinista, euskararen heriotzaren iragarlea; ausarta ere bazen eta parte hartu zuen, Baionan, 1875eko martxoaren 29an egin zuten globo hegaldian.

2
Iruzkina idatzi

avatar
2 Comment threads
0 Thread replies
0 Followers
 
Most reacted comment
Hottest comment thread
2 Comment authors
Bilbo 54.3Eibar 101.1 Recent comment authors

This site uses Akismet to reduce spam. Learn how your comment data is processed.

  Subscribe  
Berriena Zaharrena
Harpidetu
Bilbo 54.3
Bilbo 54.3

Liburu polita Patxi Zubizarretaren azkena. Julien Vinson hizkuntzalari frantsesak globo batean egin zuen bidaia, Baionatik Iruñera, eta Chiara euskaltzale italiarrak Hendaian bizi duena tartekatzen ditu idazleak. Izan ere, Chiara Hendaiara etorri da euskaltzale atzerritarrei buruzko lan bat egitera eta, aldi berean, hango euskaltegi batean izena eman du. Azkar irakurtzen da liburua eta interesa mantzentzen jakin du Zubizarretak, batez ere globo-bidaiaren benetako helburuei buruz Chiarak egindako ikerketan. Amaierak ez du ezer argitu, baina, azken finean, fikzioa da liburu hau, ez saiakera historiko bat. Beraz, nahiz eta maisulan bat ez izan, gomendatzekoa bada, eta hori egiten dut.

Eibar 101.1
Eibar 101.1

Anbizio handirik gabeko baleko liburua. Gustatu zait. Bi lerro tartekatzen dira: batetik, Julien Vinsonen abentura historikoa, saiakera antzera aurkeztua; eta bestetik, Chiararen Euskal Herriko egonaldiaren narrazioa. Bietan lehenengoa iruditu zait interesgarriena eta erakargarriena. Bigarren istorioak ez nau katigatu, ziur aski Chiararen pertsonaiak ez ninduelako betetzen. Edonola ere, liburu bitxi gomendagarria.