Izenburua: Urari ostutako poemak
Idazlea: Pako Aristi
Argitaletxea: Susa
Urtea: 2014
Ni indartsua naiz
ahuldadea agertzeko arazorik ere
ez daukadalako.
Ni ausarta naiz
koldarkeria erakusteko beldurrik
ez dudalako izan.
Zoriona zer den badakit
zoritxarra onartzeko oztoporik
ez dudalako jarri inoiz.
Biluzik agertu izan naiz
ez nintzelako nire sentimenduak
estaltzen ibili.
Neure buruarekin
kontent egon naiz,
inor garaitu beharrik ez neukalako.
Egina neukan testamentua:
ezer gabe jaio zena
ezer gabe joango den promesa.
Ez naiz poesia irakurlea, eta poesia batzuk irakurtzea asko kostatu zaidan arren (batzuk ez ditut erabat ulertu, hiztegiarekin berrirakurri beharko ditut!!!), beste batzuk oso onak iruditu zaizkit, eta kontrazalekoa. borobila benetan. Beti bezala Pakok lortzen du geure buruari galdera mordo bat eginaraztea, bizitzaren benetako balioez bereziki.