Hirutter

1

Izenburua: Hirutter
Idazlea: Nerea Arrien
Argitaletxea: Erein
Urtea: 2017

Hiru dira nobelako protagonistak: Martin, Gari eta Ines. Hiruki perfektu horren erpinean dago Ines, bataren eta bestearen sexu (eta maitasun) oldarrak zorabiaraziz. Whatsapp, twitter eta mugikorrek markatzen dute narrazioarentempusa, bakoitzaren lekua hirukiaren baitan eta bizitzari begira norbere espektatibak.
Baina inork ez du bere eskuetan harreman gatazkatsu horrentzako irtenbiderik, ezpada bakea sinatuz ordu arte gerra baino  izan ez den bizitzarekin. Izan ere, onenean ere, iragan petralak markatutako arrastoan zeuden hirurak saretuta. Eta iragana nota atsekabez idatzitako pentagrama da, musika frenetikoa, gogorra, pausarik gabea. Istripuan hildako gurasoek utzitako bakardade sakonetik, edo guraso bananduek zabaldutako zulo hondogabetik datorren melodia lazgarria eta minbera da.
Psikoanalisian bezala, roman familiarra ari da baldintzatzen gure oraina, patroi zaharrek jarraitzen dute agintzen gure bizitzetan, eta soilik haiekin bakeak eginez konkistatuko dugu geure bizitzaren kontrola, amaren eta putaren arteko pultsioa leunduz, samurtasuna eta haragia adiskidetuz. Azken batean, geure buruarekin batera, bizitza ere maitatzen ikasiz.

Iruzkina idatzi

1 Iruzkin Honi buruz "Hirutter"

Harpidetu
avatar
Honen arabera ordenatuta:   Berriena | Zaharrena
Bilbo 54.3
Aspertu naiz Nerea Arrienen helduentzako lehenengo eleberriarekin. Martin, Gari eta Inesenen pentsamenduek, iruzkinek eta elkarrizketek ez naute harrapatu. Gainera, batzuetan galduta ibili naiz irakurketan, haria ezin harrapatu. Izan ere, liburua modu berezian idatzita dago, wassapez eta txioez beteta, eta hori ez zait lagungarria izan. Hala ere, azkar irakurtzen da, hori izan da onena, bizpahiru lerroko orrialdeak agertzen baitira sarritan. Laburbilduz, ezin dut gomendatu lehenengo liburu hau. Ea hurrengoa!