Hauts bihurtu zineten

2

Izenburua: Hauts bihurtu zineten

Idazlea: Juan Kruz Igerabide

Argitaletxea: Alberdania

Urtea: 2005

Beterriko Liburua Ohorezko Literatur Aipamena 2005

Euskal Herriko auzo txiki batean, frankismoaren azken urteetan eta trantsizio garaian kokatuta dago Igerabideren lehen eleberri hau. Autoreak ongi ezagutzen duen garai eta leku gatazkatsu nahasia, beraz. Garai hartan nerabe eta gazte sasoiko izandako bat da narratzailea. Pertsonaia asko eta ongi taxutuak agertzen badira ere, bada bat narratzaileak begiz jotakoa eta ongi begikoa duena: Adela, auzoko maistra aurrerakoia. Emakume maitagarri haren drama humanoak josten du osoagoa izan nahi duen kontakizunaren ehuna. Eleberria oihartzunez beterik dago. Esan liteke oihartzunen sare batek osatzen duela nobelaren egitura, denbora kronologikoari denbora psikologikoa gailenduz. Ez da garai historiko baten azterketa objektiboa, irakurketa sentikor bat baizik, sufrikariotik eta gozamenetik sorturiko lekukotza bat, hauts bihurtu zirenen errautsekin idatzitakoa.

2
Iruzkina idatzi

avatar
2 Comment threads
0 Thread replies
0 Followers
 
Most reacted comment
Hottest comment thread
2 Comment authors
Amasa-Villabona 1.2Andoain 25.5 Recent comment authors

This site uses Akismet to reduce spam. Learn how your comment data is processed.

  Subscribe  
Berriena Zaharrena
Harpidetu
Amasa-Villabona 1.2
Amasa-Villabona 1.2

Nobela honetan idazleak herri txiki bateko gazte baten heldutasunera iritsi arteko bidea kontatzen ditu. Bertan, hiru pertsonaia nagusi daude: lehen aipaturiko gaztea, Joantxo edo ‘Herrenko’ (hori baita ume garaian jarri zioten izengoitia) narratzailearen paperean, Adela, herrira iristen den maistra aurrerakoia, benetako protagonista eta Joantxoren bizitza ‘gidatuko’ duena, eta hirugarrenik, Marro, gaizkilea, maistrak ez bezala, batere onik ez duena. Joantxoren heldutasunaren prozesu horretan sakontasun handiko gaiak jorratzen dira (hala nola, biolentziaren erabileraren zilegitasuna), bizitzari buruzko gogoeta egiten,… Hiztegi aberatsa, oso landua, idazkera bizia, irakurterraza, hunkigarria… Irakurri beharrekoa, nire ustez.

Andoain 25.5
Andoain 25.5

Norberaren memoria historikoa birpasatzeko aukera egokia eskaintzen duen liburua.