Marina Suredaren amets urratuak

1

Izenburua: Marina Suredaren amets urratuak
Idazlea: Joxe Belmonte
Argitaletxea: Erein
Urtea: 2009

Marina Sureda 44 urteak betetzeaz batera nortasun-krisialdi batera heltzen da. Semea etxetik joan da, senarrak ez du jada asebetetzen, eta Mallorcako eguneroko monotoniak itotzen duela sentitzen du. Kinka larri horretan dagoela maitasun hitz batzuk jasoko ditu, hamalau urte atzerako ezagututako gizon baten maitasun-aitormenak.
Aitormen horiek egin zezakeen eta egin ez zuenagatiko arrangura ekarriko diote, baita irlatik alde egiteko adorea ere, gizon hark emakumeari ere axola ziola agertuz. Galdutako ustezko maitasun haren bila abiatzen da, baina gizon harekiko topaldia ez da erraz gertatuko, direnak ez baitira beti uste izan direnak, ezta uste direnak izan direnak ere.
Bilaketa horretan, egoera nahasgarri horretan, guztiz arrotz egiten zaion eszenategi batean agertzen da, Euskal Herrian. Lekuz kanpo dago, horrela sentitzen da. Hala ere, ustekabean, hor, etxetik ehundaka kilometrora, etorkizuna jorratu nahian, bere iragana irauliko dioten gertaera batzuk deskubrituko ditu, maitasun istorioa thriller bihurtuta.

1
Iruzkina idatzi

avatar
1 Comment threads
0 Thread replies
0 Followers
 
Most reacted comment
Hottest comment thread
1 Comment authors
Bilbo 54.3 Recent comment authors

This site uses Akismet to reduce spam. Learn how your comment data is processed.

  Subscribe  
Berriena Zaharrena
Harpidetu
Bilbo 54.3
Bilbo 54.3

Liburu interesgarria Joxe Belmonteren azken hau, baina hala ere ez nau guztiz bete, gauza batzuk faltan eta beste batzuk soberan dituelako, nire ustez. Izan ere, istorioak garatuago egotea eskatzen du eta pasarte batzuek (Iruñeako egonaldia, adibidez) ez diote ezer gehitzen eleberriari. Beraz, liburu ona da, baino hobea izan zezakeen. Dena den, nahiz eta ezagunenetarikoa ez izan, Joxek eleberrigile aparta izateko egurra baduela erakutsi du.