Larrutik ordaindua

1

Izenburua: Larrutik ordaindua
Idazlea: Joseba Lozano
Argitaletxea: Alberdania
Urtea: 2018

Frantzia, 1871. Pariseko iraultzaileak Frantziako Gobernuaren aurka altxatu dira eta Pariseko kaleak hartu dituzte: Pariseko Komuna abian da. Gobernuko Armadak setioa jarri dio hiriburuari Komuna akabatzeko asmotan, eta borroka latza sortu da iraultzaileen eta soldaduen artean.

Giro nahasi horretan, gorpu batzuk agertu dira Pariseko kaleetan: larrua kendu, eta odol guztia atera diete. Komunaren Gobernuak emakume bat aukeratu du, hilketa izugarri horiek ikertzeko eta hiltzailea harrapatzeko: Sophie Blanchet, psikiatriko batean lan egiteaz gain, hiltzaileen portaerak ikertzen dituena. Bi gizon jarri dituzte haren agindutara: Fabian, iraultzaile gaztea; eta Leo, Polinesiako irla batean hamar urte preso igaro ondoren, Komunaren alde lan egiten duena. Hirukoteak arrisku bikoitzari aurre egin beharko dio handik aurrera: Gobernuko Armadaren errepresio odoltsuari, eta hiltzaileari berari.

Eleberri honek bi genero uztartzen ditu: nobela historikoa eta thrillerra. Sozietate sekretuak, espiritismoa, histeria, hipnosia, droga berriak, erlijioa, amodioa…, barrikadaz betetako hiri dardarati batean. “Argiaren Hiria”, itzaletan murgilduta…

1
Iruzkina idatzi

avatar
1 Comment threads
0 Thread replies
0 Followers
 
Most reacted comment
Hottest comment thread
1 Comment authors
Bilbo 54.3 Recent comment authors

This site uses Akismet to reduce spam. Learn how your comment data is processed.

  Subscribe  
Berriena Zaharrena
Harpidetu
Bilbo 54.3
Bilbo 54.3

Hirugarren liburua ekarri digu Joseba Lozanok eta beste liburuetan iragarri ziguna sendotu egin du liburu honekin; hau da, thriller generoko maisu bat dela. Liburu hau, hala ere, ez da guztiz thriller bat, eleberri historikoa ere badelako. Istorioa Parisko Komunaren garaian girotuta dago eta Komunaren historia tragikoa eta banan banan gertatzen diren hilketa batzuen ikerketa tartekatzen dira liburuan. Horrez gain, medikuntzako aipamen zientifiko ugariek erakusten digute Josebak oso ondo prestatu duela liburua, dokumentazioaren aldetik. Idazkera txukuna da eta inoiz ez da interesa galtzen. Gainera, liburua oso baliagarria da gutxi ezagututako garai baten ezagutza handitu edo sakontzeko. Horrek guztiak azaltzen digu Joseba… Gehiago irakurri