Haizeari begira

1

Izenburua: Haizeari begira
Idazlea: Jon Ariza de Miguel
Argitaletxea: Elkar
Urtea: 2017

Nire leiho pareko etxean ez zegoen inor, baina te katilua bukatzen ari nintzela argia piztu zen gortinen atzetik, eta pertsona baten itxura sumatu nuen. Nolabait argi iturria haren atzean zegoen eta pertsonaren itzala proiektatzen zuen gortinen aurka, ombres chinoises antzoki batean bezala. Pertsona hau arropa eranzten hasi zen: jaka edo zamarra edo berokia lehendabizi, jertse bat gero, kamiseta, eta prakak. Segundo pare batez desagertu zen, eta berriro agertu zen arropa janzten, pijama ziurrenik. Berriro ere desagertu, eta laster agertu zen, eskuan zeozer zeukala. Ahora eramaten zuen moduagatik igarri nuen katilu bat zela. Agian nire moduan tea edaten ari zen?

Iruzkina idatzi

1 Iruzkin Honi buruz "Haizeari begira"

Harpidetu
avatar
Honen arabera ordenatuta:   Berriena | Zaharrena
Bilbo 54.3
Bikaina iruditu zitzaidan Jon Arizaren lehenengo liburua eta bikaina iruditu zait bigarrena ere. Pello Lizarralderen estiloaren antza hartu diot liburuari eta hori gauza on bat bakarrik izan daiteke. Izan ere, istorioa astiro doa aurrera, leihotik begiratzea eta otorduak egitea dira ekintzarik nabarmenenak, baina inoiz ez da aspergarria izan Atreo eta Tiestes anaien bizitza. Lizarralderen kasuan bezala, istorioa ez da garrantzitsuena, kontatzeko era baizik, eta bi idazleenak bikainak dira. Erabilitako euskara gozagarri izan da, erraza bezain jasoa, lehenengo liburuan bezala. Ondorioz, biziki gomendatzen dut Joan Arizaren liburu hau, eta hirugarrenaren zain geratzen naiz. Ea laster argitaratzen den!