Baina ez lukete han egon behar

1

Izenburua: Baina ez lukete han egon behar
Idazlea: Asier Osinalde
Argitaletxea: Erein
Urtea: 2017

Bakarrik jaio eta bakarrik hiltzen gara. Bitartean, hari ikusezin baten gainean orekari eusten saiatzen gara eta argazkiak ateratzen dizkigute. Gu argazkitakoak izaten saiatzen gara, baina ez gara. Gu argazkiaren atzean dagoena gara, irudiaren ertzetatik kanpo dagoena, eta bizitza ez da lerro zuzen bat, ibili ahala etengabe josten eta askatzen ari garen armiarma-sarea baizik.
Ipuin-bilduma honetako pertsonaiak amaraun horretan bertan daude harrapatuta, beren beldur eta frustrazioekin, beren amets eta esperantzekin. Patua izan da aurreikusi ezin zuten egoera horretara eraman dituena, une ahulenean erabakitzera behartu dituena, kameraren objektiboaren aurrean irribarre egitera behartu dituena.
Baina ez lukete han egon behar.

1
Iruzkina idatzi

avatar
1 Comment threads
0 Thread replies
0 Followers
 
Most reacted comment
Hottest comment thread
1 Comment authors
Bilbo 54.3 Recent comment authors

This site uses Akismet to reduce spam. Learn how your comment data is processed.

  Subscribe  
Berriena Zaharrena
Harpidetu
Bilbo 54.3
Bilbo 54.3

Oso liburu interesgarria da Asier Osinalderen lehenengo hau. Hamabi ipuinek osatzen dute liburua eta den-denek maila ona dute. Ipuin baten pertsonaiak beste batzuetan ere agertzen dira, zirkulu moduko bat osatzen, eta hori lan gehiago izan da idazlearentzat. Baina irabazle atera da erronka horretatik. Erabiltzen duen euskara ederra iruditu zait eta, beraz, gozatu dut irakurketarekin. Ondorioz, oso gomendagarria da liburu hau eta ezezaguna den idazle hau jarraitu beharrekoa da. Ea bigarren liburuan sendotzen duen irudipen hau!