Lur zabaletan

3

Izenburua: Lur zabaletan
Idazlea: Aingeru Epaltza
Argitaletxea: Pamiela
Urtea: 2008

Pello goseak ernatu du. Etxean zegoela ari zen ametsetan, eta bildots izterra, amak prestatua, mau-mau iresten ari zela. Ezpainak milikatu ditu bildotsaren zaporea ez galtzeko, baina ez, ezpainetan, ahoan, ezaren zapore ozpina baizik ez da.
Sumindua, begiak ireki ditu.
Eguzkiak ez du oraindik zelaiaren zabala argitu. Inguruan, hots bakarra haizearen txistua da. Pelloren ondoan, Mixel eta Pettiri zurrungaka daude beti. Haiek iratzarri gabe, kanpamendu ondoko errekaskara abiatu da edan-garbiketak egitera. Tripak marmarka ari zaizkio. Laugarren eguna dute jan gabe. Hala segituz gero, zaldia eta mandoa eraman beharko dituzte zartagira, baina animalia horien laguntzarik gabe nekez ailegatuko dira Kaliforniara. Eta haiek Kaliforniara iristeko asmoz utzi zuten Euskal Herria eta Amerika honetara etorri.

3
Iruzkina idatzi

avatar
3 Comment threads
0 Thread replies
0 Followers
 
Most reacted comment
Hottest comment thread
2 Comment authors
Tolosa 40.2Oñati 45.2 Recent comment authors

This site uses Akismet to reduce spam. Learn how your comment data is processed.

  Subscribe  
Berriena Zaharrena
Harpidetu
Tolosa 40.2
Tolosa 40.2

Gazteei zuzendutako liburu honetan, euskaldun baten abenturak eta desbenturak ezagutu daitezke. Euskalerria “pobre” zenean, hemengo jendeak, egun etorkinak etortzen diren bezala, hemendik alde behar izan zuen. Liburu honek sikiera etorkinak errespetuz tratatzeko balio badie gazte horiei, ez dago batere gaizki.

Oñati 45.2
Oñati 45.2

Istorio bitxi bat testuinguru ez ohiko batean eta pertsonaia oso arraroak. Euskal munduari dagokionez batez ere. Batzuetan sinesgarritasun falta nabaritu izan dut (adibidez pertsonaia bat hiltzat ematen denean eta liburuak aurrera egin ahala beste pare bat alditan agertzen denean). Arrazoi nagusi horrengatik istorioa errealitatearen eta fikzioaren arteko bide ilun batean gelditzen da. Hala ere, esan beharra daukat denbora entretenituta igaro nahi baldin bada liburu hau aukerakoa dela. Baina hala ere, berriro errepikatuko dut, zerbait falta zaio erreala izateko (agian garaiari buruzko dokumentazio lan hobea edo pertsonaia desberdin batzuk).

Tolosa 40.2
Tolosa 40.2

Gazteei zuzendutako liburu honetan, euskaldun baten abenturak eta desbenturak ezagutu daitezke. Euskalerria “pobre” zenean, hemengo jendeak, egun etorkinak etortzen diren bezala, hemendik alde behar izan zuen. Liburu honek sikiera etorkinak errespetuz tratatzeko balio badie gazte horiei, ez dago batere gaizki.